2017年2月16日 星期四

處變不驚 願賭服輸

大戶有心做低992,唔緊要,我坐等收息,唔會不問價賣。
明明有錢賺都做低佢殺牛吸貨,真係不問情由。
佢跌定咗我會再入兩注,不過要等一個月左右。

開始學識處變不驚。之前一個1830,然後1023,跟住係992。

個市回返,之前望上去嘅升幅無咗一半。好彩都有3份1非恆指高息股,輪到呢啲股升。所以組合有非恆指股平衡一下是需要的,起碼無咁傷,最少有息食。

2017年2月15日 星期三

炒業績

992公佈業績,比同季少賺了6成,但比上年是虧轉盈。

業績真係睇大戶想點,話比預期賺少咗,又多一個理由壓低股價。見佢到過4.88,好彩啲人都開始理性,現價係4.95。之前佢無炒業績,我都見過呢口價,反而無點恐慌了。992有能力虧轉盈,我諗下年唔會差得過今年,理性啲睇,網友叫我唔好賣住係啱。如果4.88賣咗,下次最肥美果期嘅息收唔到(佢上年蝕錢都派息,何況今年賺錢,只係無賺好多),仲要蝕錢。

咁蝕底,我唔制。

2017年2月14日 星期二

牛氣初現

24000了!

神奇的數字。

希望大家賺多啲~

兼職

又接了一個兼職做。發現以前一直唔敢開價,原來就算開高價,只要對方有求於你,佢都會應承。

中二開始我已經做兼職,名符其實外快王。既然以往正職受人事麻煩不能發展,就接多啲兼職,至少無人俾氣我受。趁後生都係要搵多啲。

2017年2月13日 星期一

抄底

抄了5手1023底,長放當收息養老用。

1023暫時1.77已見底,奢侈品指數上升,暫時佢應該唔會再吐血了。壞消息都出盡,公佈派息如果唔太差,除淨前股價會升返啲。情況好似494,跌到盡後百毒不侵,脫離恆指後股價卻跌不下去了。

2017年2月12日 星期日

一追再追

放了494,諗住至少等佢跌定再考慮入唔入,損咗少少手。不過今朝心血來潮入了1手902打算坐下,結果下午好似直升機咁升。呢隻真係算入得安心。因為我有1071同2380,所以只入了一手平衡風險而已。追貨入了2手939,股價不動如山。息唔高,等佢價升就放。

我而家組合好散,成16隻持股。好嘅係唔會蝕入肉,唔好嘅係好似太散。不過隻隻都有息食,都坐得一陣嘅。

持股組合圖:


2017年2月5日 星期日

一些觀察

一、太古A和B的股價不同步。太古A升但B仍跌,明明係同一間公司,真係非常可惡。真係令我相信19係將唔好嘅資產俾哂87呢個講法。

二、1023升返了,速度快過當年必瘦站升返嘅時間。真係證明投資者係對股息極其偏好的。

三、公司個阿姐都睇得出,一句同我講:"妳唔好咩責任都攬哂上身,應該俾啲責任身邊嘅人。"
我都想,但最慘唔係人生勝利組,無屋企人無背景照,但又唔想舔鞋底違背良心。
心裡突然覺得一陣淒楚。可以點呢?苦笑。