2017年9月20日 星期三

好久不見

好久沒有寫blog 了。最近的投資,是十分冒險的,就是在7月時孤注一擲地買了3883。在當時的情況是高追,但我在等深港通確認3883能被北水購買的日子,預算即使其後要守或沒有大升,但收息已經不錯。加上在香港,我手上的全部流動現金,數額是食之無味,棄之可惜,放銀行也沒有什麼利息,所以心口掛個勇字。結果雖然暫時未埋單,但換來百分之74的收益。感謝上天,終於眷念我這窮女子,做大一點我的本錢。

其後打算:
再放它一段日子,至少收一期息再算。如果最後打回原形,大不了放一旁收息。如果有幸做大個本,時機合適,賣出後希望有低位讓我買入長期收息公用股。

我明白今次兵行險著的風險,亦預計過自己有力承擔,各位不用擔心。

祝大家在這牛二或三,能得到自己滿意的收益。

2017年5月15日 星期一

321

抄唔抄下321底好呢?
但我覺得比992仲難返身,起碼992業績有進步,只係"未符預期"。
而321除派息好之外,好似無咩前景。
如果抄就買4手擺下。另外諗緊1556可唔可以收下息,想買大股但隻隻貴,無咩機會。
最近少睇咗個市,精神好咗,皮膚都好咗,唔想再心驚膽顫了。

2017年4月5日 星期三

近況

好耐無寫呢個blog了,因為之前怕isis同特首選舉,將大部分股票都清了倉。而家手上大部份係現金,股票得6份1左右。

賣完股票之後就業績期,大多數選股派息都比預期少,但股價跌唔多。不過咁就有違長擺收息的原意了(唔計我賣咗股票),佢哋股息一般跌成3份1或以上。最跌眼鏡係太古,股息係急挫,但股價又跌唔多。

手上剩下的現金,我亦不急再買股票。之前太在意股價,精神緊張反映在臉上,憔悴了很多。而我又唔係有好多錢,咁樣好唔抵。對女人而言,始終外表都緊要,所以我搵緊啲股價股息都唔大波動的股票,打算市況欠佳時買入長放就算。


2017年2月16日 星期四

處變不驚 願賭服輸

大戶有心做低992,唔緊要,我坐等收息,唔會不問價賣。
明明有錢賺都做低佢殺牛吸貨,真係不問情由。
佢跌定咗我會再入兩注,不過要等一個月左右。

開始學識處變不驚。之前一個1830,然後1023,跟住係992。

個市回返,之前望上去嘅升幅無咗一半。好彩都有3份1非恆指高息股,輪到呢啲股升。所以組合有非恆指股平衡一下是需要的,起碼無咁傷,最少有息食。

2017年2月15日 星期三

炒業績

992公佈業績,比同季少賺了6成,但比上年是虧轉盈。

業績真係睇大戶想點,話比預期賺少咗,又多一個理由壓低股價。見佢到過4.88,好彩啲人都開始理性,現價係4.95。之前佢無炒業績,我都見過呢口價,反而無點恐慌了。992有能力虧轉盈,我諗下年唔會差得過今年,理性啲睇,網友叫我唔好賣住係啱。如果4.88賣咗,下次最肥美果期嘅息收唔到(佢上年蝕錢都派息,何況今年賺錢,只係無賺好多),仲要蝕錢。

咁蝕底,我唔制。

2017年2月14日 星期二

牛氣初現

24000了!

神奇的數字。

希望大家賺多啲~

兼職

又接了一個兼職做。發現以前一直唔敢開價,原來就算開高價,只要對方有求於你,佢都會應承。

中二開始我已經做兼職,名符其實外快王。既然以往正職受人事麻煩不能發展,就接多啲兼職,至少無人俾氣我受。趁後生都係要搵多啲。