2018年4月16日 星期一

換樓

打算下年年中換樓,感覺換樓好難。
現在手上的錢只夠換一個接近300呎的半新樓單位,或一個多幾十呎的舊樓未做大維修2房單位,還要合2人之力供。
掙扎的是如果換半新樓,怕未來供應太多,升值空間不大。如換舊樓,就一堆維修費和裝修費。
誰叫自己沒錢,沒選擇。
下一次再換應該更難了,600萬樓上換樓要240萬首期,積累或升值240萬,是一個很高難度的動作,我應該永遠都被困在600萬樓下。
另外在想,怕現在500多萬的樓,來年已經升至600萬,在想是否應該愈快換愈好,最快今年年尾可以換,我當提早償還那筆貸款便可。
煩惱。

2018年4月4日 星期三

又一個

摯友跟男友剛分手。
無可否認,過三十歲佢算keep得幾好,而且佢有自信,所以身邊一直不乏男友。
同佢一齊嘅男友普遍同佢同齡,或者細佢少少,所以證明35前其實係仲有市場。不過佢成日都鍾意男人「叻」,同埋識討好佢,所以通常身邊拖住個差唔多大,但心中會有另一個大佢好多嘅人,佢話覺得呢啲男人charm。
但我唔覺得,通常佢都係鍾意啲45至50歲嘅男人,佢哋如果係正常人,有啲錢係好合理,而且佢哋做咗咁多年人,識討好妳容咩易,我有時好怕老狐狸。
我自己係鍾意啲差不多年紀嘅人,亦都接受佢哋未必事業有成。三十出頭對男人而言,只係剛起步,只要佢有上進心唔係原地踏步,同埋係個好人,我就覺得ok。
令我最著緊個朋友嘅,係即使我哋有自信,但始終市場係有個供求關係,同我哋同齡又做到佢要求嘅charm,要都揀妹妹仔,我哋唔係第一優先,唔計個男人介唔介意揍女都好。而正正常常同我哋差不多大嘅,好多都成家立室,我哋選擇係少咗。所以我好緊張佢左揀右揀,怕佢最後一場空。可能我係個穩定嘅人,係唔明佢嘅思維。雖然我絕對明白,沒伴侶都係可以活得好。
希望佢之後可以一擊即中,選啱對象,最緊要相處到,係個專一嘅好人,係咪事業有成其實唔係最重要。
而我感情穩定,個伴同我差不多大,都疼我,大家唔駛擔心。我唔會將自己處於一個唔穩定嘅不利位置嘅。

2018年4月3日 星期二

選擇

聽到消息,一女子跟比自己小好幾年的男友分了手。他們已經拍了好些年拖,本來女子都想嫁給他,可惜男方不定性,受不住第三者引誘,出軌了。

女子完全呆立當場,無法應對。加上邁入三十之齡,對自己更失去了自信,只想等那男子回心轉意。

當初女方父母棒打鴛鴦,看來是對了。論人生經驗,還是薑愈老愈辣,一眼看穿真相。

可惜終究他們的女兒還是受傷了。

與其呆等,不若有尊嚴地分開。三十尚未老,及早找個對的人,仍未為晚。

以後要懂得挑選人了。這個年紀,要的是安穩,不是激情。

要找個定性的人。如果緣份未到,一個人到處涉獵,浪跡天涯,學習新鮮事物,都很好。

選人的準則,說穿了,就是條件不對等。選一個需要自己和定性的人,並慢慢建立自己的價值,包括外表和賺錢能力,令自己有足夠自信應付一切變化。

感情隨時會變,只有自己才能掌握自己的命運。

2018年4月2日 星期一

趁復活假期,做下季度總結喇

一季度單一持倉,風險高回報亦高,3個月回報23%。
當然都知道有好大可能跌,單日跌百分之十八我都經歷過了。曾被嚇走一半貨,之後追回總計無咗十份一貨。自此以後,把心一橫將佢鎖入中央結算系統,反正中線睇好,而且息高,我買入價計而家收緊近十厘息,當然而家買就只有4厘左右。
反正喺香港都幾悲哀,揸住當初果幾十萬咩都做唔到,就算而家升咗一倍多,都係無咩作為,所以我決定當佢中線收息股,擺埋一二邊,睇下兩年左右回報如何。如果如願升到一定程度,就會分散下買下其他收息股。
仲後生,反正赤身而來,本來就咩都無,我仲輸得起,希望個天俾我一個脫貧嘅機會。
而家有少少興趣接觸下期權,但怕風險高,怕死中。

附注,一篇鼓勵我拿穩倍升股票的文章:
http://mp.weixin.qq.com/s/uKqS8Ly0O0bZGu_Ke1oWcg

後記:唔知仲有無舊朋友仔睇緊呢個blog呢?令佢封哂塵實在抱歉,如果有嘅留個言話我知吖,俾個動力我繼續寫落去。多謝大家一直嘅關心 :)
補返現況,我而家最高峯時一星期有4份兼職(就嚟無,因為其中一個中六畢業)。希望靠兼職賺多啲再儲收息股,呢十年要搏盡 😎

2018年1月18日 星期四

老貓燒鬚

今日用短炒的一注錢,買了4手合和,期待特別息,點知得2蚊,睇嚟又要坐艇一年了。惟有安慰自己,連普通息都有8至9厘,都算係咁。要唔坐艇,睇嚟要等到2019合和二期收租時了。

另外我隻3883安好,大家放心。3883好老闆,派息高,股價升,今日講到明唔配股,真係幾好。

希望今個牛市,大家都賺到心中想賺嘅數目啦~

2017年9月26日 星期二

信心

昨天仍一股沒賣,3883止跌了,稍喜出望外。

分析3883成為是次跳水冠軍的主因,是外國資金太多,北水仍未有定價權。在北水未買夠的情況下,它不會護盤,要便宜地收集籌碼。看資金流數據,知道北水仍義無反顧地買3883,以一隻中小型股票來說,連續多天進港股通成交榜十大,已經不簡單。這次再看,不是以往香港人最怕的大陸人走得狠,而是外國資金獲利避險而沽。那麼一旦北水買了足夠股數,掌握定價權,就是3883股價逆轉的一天。活生生的例子,就是融創。

我等。

聽說碧桂園又回購了股票,這消息對內房股應有一定短期的止跌作用。明天應該安全的,不會再大跌。

下圖黃線是北水從港股通買入的持股比例,一直往上升。


2017年9月25日 星期一

內房大跌

昨日一睡醒,3883已經跌了百分之十六。
是,我那百分之七十四的收益,今日埋單時失去了百分之十九,預期仍會持續,每天跌幾個百分比。因為國慶假期的九天,北水沒能買。
然而早上沒有賣出,似乎亦失去了最佳賣點,就放著吧。
調控倒是不怕,看香港就明白。或說政府愈怕大跌的事情,就會愈調控。短期股價大跌是信心不穩,人踩人素來都不是一件理性的事情。長期來說,大陸樓價應該不會大跌。
沒有人知道哪個是高點。我認當然想股價愈升愈高,畢竟對比恆碧融,3883升幅不算多,是有這種貪念。有人會說我沒賣在高點,但我不擅長頻繁買賣。一般散戶在這種操作下都是追高殺跌,這很考驗心理,往往被大戶控制住,賺不了錢。這次我一動不動,縱使經歷今日洗倉,整體收益還是多於買賣頻繁的。
其實我對3883是有信心的,從她的盈利和土地儲備來看,都是低估,而且負債是同行中數一數二的低。最壞打算,是如果股價打回原形,直奔到我買入價,我就持有收息。反正我的買入價,計終期利息,扣除股息稅後,仍有9厘。賣了我又想不到買甚麼代替,因為現在其他股票估值都太貴了。我有信心股價在9天國慶假後能慢慢升回,因為星期五時我曾預期過大陸人假期前避險這因素,只是沒有想過借勢調整得如此急。
有說這是一場賭博。是,但我計算過後果,我能夠承擔。割肉,留待守不住成本才算吧。