2016年5月30日 星期一

對借貸的新體會

樓按快過罰息期,在想是否加按買收息股或債券呢?
但好像已錯過了很多機會,樓價大升時沒有買樓,其後只能買到有一點安全邊際應該充其量只係唔使蝕嘅地方,套到出來的錢不多。
又怕自己周轉不靈,計唔掂數。
以前收到銀行招手放低息借貸的信件,我都不以為然,現在倒有興趣研究它給我的借貸額和息率,銀行的根據在哪裡。設想(只是設想,高風險動作真係要計好數,睇埋而家嘅環境適合與否)如果拿了貸款我會怎樣運用,收入與負債能否應付得了。
我諗無深入研究返半年,都應該唔會有咩行動的了,但呢一刻對借貸有重新的體會。但請放十萬個心,我怕死,無好大把握嘅事我唔會做。呢點睇我擇業就知道了,我寧願月月有收入,都唔搏一年人工高,但唔知下年仲有無得撈的工作。就算平時用卡,我都只用一張,月月心理緊張即時還錢,每月平均卡數連哂啲月費一般還少於三千(而家有一千多元係交英文學費,下年又會平均只找一千多元卡數一個月,我係個用錢好有節制嘅人)。細個窮開,深知得來不易,唔會有賭徒心態。
只係諗在低息環境下,怎樣利用息差幫自己多啲啲。不過低息維持幾耐,無人可以保證。
要再好好計劃一下。

6 則留言:

  1. Grace加油呢!妳咁年輕,風險與保守之間,是可盡量取得平衡的=)

    回覆刪除
    回覆
    1. 多謝妳!雖然我已不年輕了 :P
      要學嘅嘢仲有好多,例如還款日子同獲益日子的平衡、選擇什麼產品及其風險等,應該不是一時三刻能下的決定噢。

      刪除
  2. 回覆
    1. 很好的提醒,多謝!
      是的,高位入回報差太多了。

      刪除
  3. 談到借貸,最大的風險不是債台高築,也不是怕加息現金流不足。

    最怕的是錢到了手,不知何故就消失了。

    回覆刪除
    回覆
    1. 對啊!所以自律好緊要,要成日警惕自己借來的總要還

      刪除