2016年6月27日 星期一

隨便寫點什麼

不足一天,又看到互太彈升了,在恒指萬九點的時間,她的成績很不錯。想減持一些分散風險,但又想不到買些什麼,想參考各位的建議。我雖然驚青,但明白投資決定是自己的,輸贏不會怪大家,就分享意見讓我學習學習吧 :)

本來以為這兩個月要勒緊褲帶,節衣縮食,因暑假是我兼職的淡季,家長們都想小朋友休息(這是好的,現在的小朋友初中就要補習,都太可憐了,想到自己初中還是一舊飯,嘻嘻哈哈在後巷踢球)。但原來有兩份兼職(我有三份)的學生已經是高中(對啊,湊了他們幾年,歲月不饒人),他們暑假都照上堂,咁我暫時收入都無咁緊張了。

還有因為申請了私貸,過不了壓力測試,轉按不成了。本來轉按總共可慳二萬多元,但想想若不借這筆錢,就不會轉按,而係想趁印花稅鬆綁後換樓。所以算啦,就當儲多啲錢先換樓,又或下年樓價跌,比我換到呢!

9 則留言:

  1. Grace妹,我今天也沽了些貨(似乎一沽股市就彈升),預備兩天后買貨,不過由於最後一年的投資都只是溝淡自己已蝕四、五成的股票,所以也不敢多說什麼投資意見了。至於借貸,自己很久以前試過,我也同樣不夠信心,所以都是止蝕離場,其實沒借樓按反而是好事,始終以長債支持短中綫股票並不太妥,希望你會找到心目中理想的投資。

    回覆刪除
    回覆
    1. 謝謝。我都在努力學習中,好多人的意見都好珍貴,我都會記住的。
      希望你不要失望,學習修正方向然後繼續前進,唔好放棄,始終我覺得都要面對退休的日子,要及早準備。

      刪除
  2. 私貸會影響樓按嫁
    等我呢個半桶水介紹你買255啦,重有互太我覺得唔係咁好,純分享

    回覆刪除
    回覆
    1. 多謝ww兄分享,等我研究下先
      想知點解互太唔太好呢?
      另外我仲睇緊25 1098 599 1275 2788
      想搵間可靠又高息的公司
      驚老千股

      刪除
    2. 你d股,我只留意過1098同2788都係高息,2788我仲有添
      路勁同互太有d相似,高息大家都係高位回落左,但都仲好貴,但互太更加不利係派息比率已好高,股價全靠股息支持,如果一減派息,股價就會十級而下

      刪除
    3. 路勁比它好,就係派息比率低,減派息機率比互太少,但通常高位咁回落既股票,我都唔會買
      2788我都係貪高息,但股價真係唔多郁,只會佔我少部份,可持有當分散風險

      刪除
    4. 多謝建議,我再研究下2788先

      刪除
  3. 似乎昨晚的留言被當作垃圾留言了,之前你的留言也放在要審核的地方!

    回覆刪除
  4. Manfred兄,因為你引用過我的回覆,系統自動將你嘅留言小心分類了。
    放心,我很想聽不同的意見,不會胡亂刪除留言的呢!

    回覆刪除