2016年6月26日 星期日

互太插水

最後一注放咗落互太,見8.86,打算長期收息平均都有接近9厘。然後見佢繼續插水,插到8.82,心想這樣優質的股票被質到呢個價位唔太合理。不過既然買咗就暫時塵埃落定,唔使成日心煩望住個股票機,都好嘅。

41 則留言:

  1. 我的想法和你一樣。脫歐關互太什麼事?真的很不合理。我還有最後一注,等 $8 邊緣時買入!

    回覆刪除
  2. 高息+價殘+Blogger推介。呢條formulae自己中過伏,萬事小心。

    回覆刪除
    回覆
    1. 而家好驚,等佢上返少少賣一半走

      刪除
  3. 業績好的公司,派息又穩定,問題不大。
    看己買入平均價不低,繼續持有。

    回覆刪除
    回覆
    1. 好的,你買入幾錢呢?
      我買入平均係9.1x,但有17000股,是否太多?
      (我共有約40萬貨)

      刪除
    2. 占比例成4成,可能分散小小安心d。

      刪除
    3. 好的,等佢升就賣走一半先

      刪除
    4. 我平均買入價9.96...
      跌了1成多。。。如到8.5會考慮再加一注
      咁當然加了注就想佢升返啦!! 因為無乜現金剩了...

      我都認同一股票持股太多會有壓力的(好難做到巴菲特把所有雞蛋放係一個籃度,而且巴郡主要股票都是有5支),期望升返到9.x你能減持又能賺錢^_^

      刪除
    5. 互太升返了,減持了?

      刪除
    6. 回Ken兄,未,因為未諗到買咩,好難抉擇。
      應該趁而家放少少先嘅。

      刪除
    7. 哈,按自己所定的去作。 ^_^
      巿升,有股票,巿跌,有現金。

      刪除
    8. 今日見佢升咗咁多,唔捨得放了……

      刪除
  4. 要對自己既投資有信心嘛:) (除非你係純粹見到佢跌就衝入去, 事前冇分析就驚啫)

    當然如果你擔心揸太多互太出事既話, 你可以賣走少少
    *你9.1入唔算蝕好多, 揾過隻派息穩定股價穩陣既野一兩年就可以收復失地, 之前hutchison係滙豐大蝕之後將佢轉左太古b, 雖然未完全cover到之前既損失, 但太古b賺息賺價總算cover左一半損失有多:)

    回覆刪除
    回覆
    1. 多謝你。我只係怕佔比重太多,可能等佢升返上9蚊,就賣一半轉另一隻,減低比重會安心啲。

      刪除
  5. 可能因為脫歐令到市場恐慌,無論好股壞股一齊跌....

    回覆刪除
    回覆
    1. 聽說有基金經理洗紡織股倉,怕脫歐影響出口

      刪除
    2. 相信管理層吧~ 我們都控制不到。

      刪除
  6. Grace妹最近買的兩隻股票都沒硏究,但感覺深受兩位價值投資博主的影響很大。

    回覆刪除
    回覆
    1. 是的,其實第一個我接觸的博主是止凡,他啟蒙了我買金利來,而這股票又真的算是不動如山,是平穩的收息工具。
      我也偶爾看看巴黎的博客,他較具體指出屬意的股票,都有看過批評他的文章,但我覺得每個人都要為自己的投資負責,所以即使面價下跌我也不怪任何人。他肯分享他的看法已經很好,至少令人有些參考的準則可以學習。而投資是很個人的事,所學習的都要配合一個人的性格,我都不想每天炒上炒落,想長期持有好的收息工具。

      刪除
    2. 話唔多講,贈你一句:唔好太鍾情於"所謂"既收息股

      刪除
    3. 謝Steven兄提醒,可否多給原因呢?

      刪除
    4. 乜野派別乜野投資方法我地都唔講,我地現實D直接講成績
      就攞533講,你覺得14年打後係咩價位買入同賣出,先賺到錢?賺到幾多?同盈富比同恆指比又贏到幾多?你話有人啟蒙你,即係你買入價應該係個篇啟蒙你既文章出街之後啦。
      隨便睇下圖,唔似係你所講既不動如山,講到山,用坐食山崩就差唔多。老闆派息當然慷慨,人家揸住7成股份,唔照顧下自己點得。

      刪除
    5. //就攞533講,你覺得14年打後係咩價位買入同賣出,先賺到錢?賺到幾多?同盈富比同恆指比又贏到幾多?你話有人啟蒙你,即係你買入價應該係個篇啟蒙你既文章出街之後啦。//

      用14年做起點好容易兜到啫,睇長線點,十年八年後一定賺。又萬一唔好彩,隻股十年後變咗思捷翻版呢? Sorry, 我profile好分散,衰股只佔我組合好少比重,其他明星股幫我上咗岸了 :)

      STEVEN兄留言是忠言逆耳,Sad but true。買貨會有好多原因合理化件事,讓自己信以為真。

      刪除
    6. 533 14年大約3.1
      而家係2.88,我識得唔多,不過睇佢啤打系數低,受市況影響較少,可能有少少蝕價,但當收息又不太難受。呢個市況幾乎什麼都跌,除了騰訊領匯同公用股,不過而家都好貴了。
      林本利指出,30多年來真係打敗到恆指嘅,只有煤氣。加上以前係高增長型經濟,可能而家買指數基金未必升到好多(或者買咩都未必升到好多了)。不過對於我呢啲唔係股市專家嘅人,咁樣應該無咁波動,但我用平均成本法呢兩年買盈富基金,都有輕微虧損,所以而家長期持有唔理佢。
      未知Steven兄覺得在這市況下作哪類投資較好?

      刪除
    7. 其實最終賺到錢,有現金流就已經好好~
      套用巴黎兄一句話"人地賺到錢係人地本事",自己知道自己做緊乜就夠了。
      我自己有收息的,也有短炒的。
      金利來同互太我都有。

      刪除
    8. Ken兄,是的
      在低增長時代,有現金流又唔點蝕本金已經很不錯了。

      刪除
    9. 好啦,我都唔係好識,比唔到咩意見你
      希望你可以保持更新金利來同互太既狀況,睇下高息股係未真係可以立地成佛,好讓我們仿傚一下。

      刪除
    10. Steven兄,我們大家都一同努力吧~

      刪除
    11. 留言落左垃圾桶...麻煩救一救, thanks

      刪除
    12. //個市況幾乎什麼都跌,除了騰訊領匯同公用股,不過而家都好貴了。

      這些股票一直都有很多blogger說貴,但是它們的股價卻一直造好,股價插水的所謂「便宜貨」最受blogger歡迎,人們不斷接飛刀,過了一陣子又說甚麼跌到$5,$4再買,你當真覺得這些「便宜貨」更抵買?

      你夠錢的話就懶人方法大包圍,指數etf,reit,公用,金銀,債券...定期按照市況調整比例。還有就是如果你覺得恆指多舊經濟股,那你就應該考慮美股etf(不過個人會等大冧市先考慮)。

      祝你好運吧!個人除了reit外不會考慮其他股票作收息用。另外個人經驗(雖然得一年),高息,低pe,低pb多是有伏。

      刪除
    13. 求打撈。想問一問grace姐有沒有用excel計數持續追蹤組合的表現?可考慮使用魔術兄的基金式計法:
      https://magicianyang.blogspot.com/2006/09/blog-post_26.html?m=1
      另外請記得投資回報包括股價和股息,不要光看股息不看股價!

      刪除
    14. 多謝Wanderer兄意見,好有用,我會試下用果套計法
      多謝你語重心長的提醒,我會好好學習 ^^

      刪除
    15. 我用etnet個組合分析服務,都有啲用,不過加唔到股息個數上去。

      刪除
  7. 醉心兄有哪些明星推介一下~

    回覆刪除
    回覆
    1. 有! 只要唔係blogger推介的任何一隻 (包括我在內) 都可以係你的明星股。睇人推介即係懶,迷信權威,自己唔會夠了解隻股。日常生活買到真正筍嘢又啱自己用既永遠都係要透過自己分析判斷後得嚟,聽人推薦買到筍嘢甚少。

      刪除
    2. 哈,咁我要再分析多啲,不過仲要學好耐~

      刪除
  8. hi grace:無意中睇到你的blog,覺得你寫的太好了,很佩服你咁年輕就咁識諗嘢,將自己的將來plan得咁好。好好奇咁年輕怎麼可以買到樓的呢。

    回覆刪除
    回覆
    1. 多謝你。其實我都出身好幾年了,不過未到雙位數 XD
      其實係因為細個窮,所以比較小心財富管理,但唔算賺好多呢。

      刪除