2016年6月30日 星期四

好唔開心

加人工之事不似預期,睇黎都要搵份兼職再幫補下。

不過呢件事令我諗清楚要增加自己工作的競爭力,畢竟最重要都係收入高,先有本錢滾大個雪球。之前抱半放任態度的英文,而家決心要努力返,呢兩年要好好學,等待收入大增的機會。

好想大叫:嗚~之前一班阻我前途的是非女人,我要在哪裡跌倒,就在哪裡站起來!

至於股票,放了微蝕的盈富,換了一隻將收息的中資電力股991。雖然我覺得1071財務穩健些,但她已派息。我諗991未派息住,可以食埋個息,加上成個板塊已經殘價,幾乎跌無可跌,即使除淨後個價都應該會上返少少。加上見佢算係咁多間中資電力股中派息最穩定,年年都派差不多數目嘅股息,所以諗住放佢喺櫃桶底年年收息算了。599、255我都有諗過,但見佢哋派息唔穩定,有時派好多,有時又唔派,所以無買到。

而互太我仲未放,因為見佢係咁升有點唔捨得,而又未想到可以買些什麼。

3 則留言:

  1. "阻我前途的是非女人"~
    我都好驚呢類C9, 可能佢地個人生活唔如意,先要搞你~你將來過得比她們好便OK了!

    回覆刪除
    回覆
    1. 多謝妳^^我過得好好,但成日覺得因為佢哋我失去了獲得高薪的機會

      刪除