2016年7月5日 星期二

新體會

沒寫網誌一陣子,是因為最近正在忙三件事。

其一是暑期將至,在更新課程的教學材料。小女子本是中學中文教師,奈何當年入世未深不諳世事,未能招架複雜的人事關係,故黯然辭官歸故里,從此與高薪厚職無緣。然而尚算塞翁失馬,有好上司(他並非加薪幅度最終的決策者,然而已盡量從工作穩定性和不予壓力這兩方面補償我們,我也不能只想到自己的利益),教學的內容都由自己安排,這種靈活度亦是我工作的動力,畢竟編排教材都是我的興趣。

另外是忙學習英語。起初有想過行放任政策,能學多少就算多少。雖然什麼都學學有助擴闊眼界,然而有感自己安逸已久,缺乏明確的目標,終究什麼都學不好。上課未必能提高能力,所以我覺得年輕教師下課後,為保住飯碗拖著疲乏的身軀,為各種各樣的文憑而上課的效果不彰,最後只得到未必能提升能力的一紙沙紙,更甚的是影響隔天的課堂質素,受害的其實是學生。為了令自己重拾狀態,我決定再去考試。考試只是手段,我是想藉此回復狀態,面對外來的挑戰。最近不停在聽英語錄音,終於對英文產生了些語感,相信假以時日定能有進步。

最後是投資。自從低位買了稍大比重的互太以後,因覺佔投資比例太多,常常坐立難安,怕一下子會虧蝕太多,所以今天在9.68時賣了大半。賣了以後,雖然帳面稍微有賺,卻覺得為這件事花去太多時間捕捉高(應該未算高,賣了求安心而已)位,心力交瘁實在不值。雖然我喜歡理財,但亦要兼顧本業,和做喜歡的事。所以想找一些股價穩定而稍高息(7至9厘左右),但價位穩定的股票,放至少半載一年收息算了。可是拿著現金,心儀的股票都接近52周高位,好像都買不了。但我看上的這些股票流通量又不高,要等到「抵買」時,又不知等到何年何月,各位可否給我意見?名單如下:

319(聞說管理層曾有醜聞)、
2028(怕行業未必穩定)、
1122(有前景但剛派了息,一年後才有息收)、
255(如無特別息,息率不太高,派息數目亦不算穩定)、
599(問題同上)、
2788(息好高但無前景,怕佢派哂現金無以為繼,今日仲上咗股價高位)、
2368(業務不穩定,好天斬埋落雨柴,最近一兩年才開始派高息,未必派得穩定。

月中行業旺季將至,未必有時間看股市走勢,如果最後無任何決定,惟有買哂533算了。


40 則留言:

  1. 敢問小女子係未中文系畢業?因為我都讀緊中文系:)
    以上8隻股票都有個共通點,市值唔過50億,係好係壞我都唔識答

    回覆刪除
    回覆
    1. 係,我係中文系畢業,唔教書就無咩出路了^^
      細市值流通量小,多數人喜歡買一線股
      當中我都睇中新鴻基,但一手成十萬買不起呢。

      刪除
    2. 我都唔打算教書,除左專業工作,做其他應該無問題
      我覺得派高息並非好事,再講,派股息又唔係真係免費比舊錢你洗,見到你對1122既睇法係剛派完息,要等一年,依度有D謬誤,剛派完息除淨左,你現在買入已經節省左所派息既本錢,所以並無影響。
      真真正正既賺息(除左特別息)係派息後股價依然上漲直至超越除淨後既股價,咁你先真係賺左利息,你應該諗以上股票股價上漲既因由,而非股息高低,就算我派10厘,股價減返10厘,並無分別,如果係潛力股,作為股東更唔希望佢地派高息。

      刪除
    3. 係嘅,除淨之後又無咗 呢樣係真
      真係好嘅股票,股價係會升返

      其實趁年輕,做一兩年報館都好,可以見識多啲
      而家我唔係剛畢業,無體力過日夜顛倒嘅生活了。

      刪除
  2. 切勿只以息率選股, 中伏機會甚高, 仲有, 要真正明白間公司做咩業務, 唔駛多, 明到一半都好, 否則最終妳會同互太一樣持有得唔心安, 花點時間看看年報, 妳一定會有所得著, 財不入急門, 胡亂作決定成功率是5050, 共勉之:)

    回覆刪除
    回覆
    1. 多謝提醒,所以我都唔敢亂下注 =(
      睇年報都係一門要好好學嘅學問

      刪除
  3. 只懂1122, 因為是我其中一隻持股. 是好是壞這個問題, 我都唔識答. 我只知道'抵唔抵買'. 而我既買入價同現價唔同, 所以真的很難評論 :)

    回覆刪除
  4. 如果grace係真心想學英文的話, 我有建議的. 可以email連絡. 有興趣便可以回應. :)

    回覆刪除
    回覆
    1. 多謝你,梗係想偷師啦!
      我嘅e喵係:
      gracemysin@gmail.com

      刪除
  5. 可以考慮大貓在美國上市的定息證券或優先股:
    https://magicianyang.blogspot.hk/2016/07/blog-post_5.html

    回覆刪除
  6. 美股來的,一股二十幾蚊美元,定息每季派USD0.5,可以一股一股咁買(美股沒有「手」的概念。

    回覆刪除
    回覆
    1. 好似好吸引,請問哪裡買美股佣金較便宜呢?
      是否盈透最便宜?

      刪除
    2. 佣金來說盈透最便宜, 不過我的HSEA/HSEB是經大貓買入,放係度「朗」住個Asset value做Premier Banking 夠有突. 其實我只用大貓hold唔使收稅的美股, 港股我就用美帝銀行, 港股沒有minimum commission, 而且只要每月maintain住個standing instruction或出糧戶口做存款, 更可以buy side免佣.

      刪除
    3. 多謝你詳細的意見,等我研究下先~

      刪除
  7. 人生總是很多抉擇。
    為何不將部份資金考慮一些市值較大?尤其你仍要花時間於工作及學習中。

    回覆刪除
    回覆
    1. 因為都想收息,一般市值大的普遍息率不高
      但現在我明白時間都是成本了。

      刪除
    2. 會否考慮匯豐,脫歐後股價平,佢息率高,市值高,我買呢大股相對信心較大,互太我當時貪高息買,點知股價下跌,所以買大公司信心大D

      刪除
    3. 今日剛買中銀香港,5厘息,還不算高?

      刪除
    4. 回mycell兄,我已有約6份1的匯豐,不敢加倉了,怕歐債問題的後遺症。
      回大師,最好高些少,哈哈。

      刪除
    5. Grace我同意,所以我小注係$45買入一注匯豐,依家持有現金流再觀望先入貨

      刪除
  8. 無意中來到你 BLOG, 原來你是GRACE GRACE, 講聲HELLO. KEEP GOING.

    回覆刪除
    回覆
    1. 多謝東昇兄,多多指教小妹呢!

      刪除
    2. 唔好兄啦. 我地可能差唔多年紀而已

      刪除
    3. 哈哈,只係呢度嘅風氣而已。

      刪除
  9. 可能有d長氣, 希望你俾心機睇曬個 comment :)
    之前見到價值兄推薦2388, 5厘息, 但似乎仍然未合乎你既高息股要求
    但其實5厘股而又有穩定業績已經唔多, 好多10厘股如朗廷 (1270), 之前既8厘內銀佢地本身既盈利能力有一定問題, 最後結果係好可能下期會減派, 盈利不足以支撐高息

    回覆刪除
  10. 如果你想長線兼大額投資, 至少要選擇d三五年內唔減派既股份, 佢地背後一定有好堅實既收入做後盾, 如果唔係好股你揸住堆8厘股會訓唔着

    一開始果時其實大家都會中伏㨂左d"僞高息"股跟手high野, 結果降低少少回報要求(例如3-5厘)你應該可以揾到更佳選擇

    回覆刪除
  11. 如果對睇年報未係有好大信心既話, 可以從業務性質上㨂股(㨂d profit margin高既行業, 例如收租/REIT), 或者公用都得

    可以集中火力研究呢兩類野先

    回覆刪除
    回覆
    1. Hutchison兄咁比心機打咁多字,都係用心良苦,我點會嫌你長氣呢?係多謝你塞錢入我袋至真 =)
      錢賺得辛苦,我都唔敢亂來,回想一下中銀香港都唔錯,只不過我又有5仔,再買好似行業太集中了。
      理財真係要慢慢學,喺未學成之前,睇黎應該買住啲穩陣嘢先了。

      刪除
  12. 最後正心誠意推薦兩隻高息股俾你 (當然你分析左先好決定買唔買la, 我唔想話累人輸錢)
    太古b(87) 及 新創建(659) 都係5厘級別, 我有一半資金都投放落佢地, so far都安全
    希望幫到你:)

    回覆刪除
    回覆
    1. 多謝,我唔會怪你架! 參考下先 ^^

      刪除
  13. 明白Grace妹很心急想買收息股,希望可以賺取息差以支付貸款利息,我私下覺得你的資金可分三份,一份買高息股,如已買入的互太、匯豐、金利來,一份買較進取的盈富和國企ETF, 剩下一份就隨心買喜歡的,然後把所有股票放在一邊3至4個月後再處理。當然以我亂七八糟的投資組合而言,你也可以聽聽便算。
    其實自己當然以為可以讀大專中文系的,自己也頗喜歡中國文學(以前會考不是背課文而是背論語),但始終太懶,連大專都考不上便去銀行做小職員,希望你現在的工作能夠做得開心。至於學英文,我也努力過一段時間,有些進步但卻有點停滯不前,也希望你在這方便找到合適的方法。

    回覆刪除
    回覆
    1. 很好的建議,分散投資,起碼無咁蝕嘛!
      做咗嘢咁耐,我明白其實成功與否學歷決定唔到啲咩,所以Manferd兄也不用耿耿於懷。人生係個體驗嘅過程,快樂無悔就好了。起碼我見你就算股票蝕啲,但資產看來都不算少呢。

      刪除
  14. 有目標是好事呢,加油加油!為你打氣!

    回覆刪除
  15. 留言太長,又成了垃圾留言,有興趣可以一看,沒時間不看也沒所謂。

    回覆刪除
    回覆
    1. 救返了,你咁有心,點會唔睇呢? :)

      刪除
  16. 睇黎,你唔好太隻中持股,分多幾隻,學下野先
    或降低要求,買下盈富,感受下股市既波動難測先

    回覆刪除
    回覆
    1. 好的,分散投資心都無咁傷。最近買盈富都係微蝕,所以才想找其他的投資呢。

      刪除