2016年7月19日 星期二

潛能

也不算什麼潛能(能人所不能?我在說些什麼呢?)只是想說人在逆境之中,或許會做得到他從來未想過的事。

自從小妹借了銀行貸款投資,每月要多還6000大元。對於我這個家庭負擔很重(仲要比家用屋企,又搬咗出黎住,一闊三大),而收入不高的小女子來說,一定要節衣縮食至搞得掂。所以今個月控制自己唔撳戶口啲錢出黎用,只用兼職返黎嘅錢當洗費,唔比自己買多餘嘢(平日都唔買得多同唔買貴嘢,而家係下意識唔比自己使錢)。結果發現係可行嘅,呢個月過咗大半,我只係撳過一次機,盛惠300元,連卡都無簽過,只係還2000內學費加慈善機構捐款。

黎緊會加少少人工,同學費只係還到1月,到時又無需要咁刻苦了。不過驚訝自己原來可以使咁少錢,當然水電地租管理費又係一筆了。

14 則留言:

  1. 使咁少錢~ 好難做得到, 哈哈

    回覆刪除
  2. 加油!但記得要保重身體,祝成功!

    回覆刪除
  3. 如果是月供捐款, 妳捐既款可能有五成或以上係被抽左佣去捐款公司。如果可以, 請直接捐給慈善機構, 謝謝妳的善心:)

    回覆刪除
    回覆
    1. 好的,查下啲錢去咗邊先
      已經捐了幾年了

      刪除
  4. 本小子十分大洗, 完全唔WORK ON ME.

    回覆刪除
    回覆
    1. 有錢唔怕使嘛,哈哈。無就話啫 =)

      刪除
  5. 當年初初出來工作,為左控制支出同儲錢,沒有申請提款卡信用卡。一諗起要排長長隊拿錢,什麼欲望都沒有了。當年真瘋狂。大家加油!

    回覆刪除
    回覆
    1. 有收穫前必先有犧牲呢,哈哈。

      刪除
  6. 小弟在學期間也曾遇此情況,要食穀種兼極度慳歛(在別人眼中就是慳吝啦)。

    畢業後還再試兩次,數目還要幾何級數咁上,現在真是怕怕了。

    回覆刪除
    回覆
    1. 而家諗諗下都覺得壓力幾大,不過洗濕咗個頭,要熬下去了。

      刪除