2016年7月23日 星期六

原生家庭的影響

最近正在思考原生家庭對自己的影響,根據以下網頁,影響的種類如下:

http://www.edupro.org/forum.php?mod=viewthread&tid=7929

我們以三個方向來談複製過程(copy processes),呈現出我們被原生家庭的影響:

一、再現(reenacting):我們長大後所表現的行為,正像以前那個親密關係人所對待我們的行為。 

二、重複(recapitulating):長大後,我們允許別人對待自己的方式,就像過去那個親密關係人所對待我們的方式.

三、內化(introjecting):由於小時候受虐所造成的低自尊,內化而形成日後的性格特質。譬如小時候覺得〝被打,是因為我不乖〞,及長內化後,總覺得自己事事不如人,缺乏信心,討好別人。
_____________________________________________

回頭想想,幾乎全都應驗了。

一、破碎家庭下,老媽撐起半邊天(家)的態度,令我即使不是個女強人,但情感和經濟的自主度卻很高。老媽曾經對配偶的一句:"我唔係駛你錢,我駛睇你面色?"(都怪我老爸沒用,連比返自己果份養家錢都做唔到)完全成為我成長路上的座右銘,沒有像一般女孩子一樣,把愛情看成最重要的事,而且覺得保持自身條件同獨立係好重要,這樣才能夠繼續生存。所以以我呢種倔強嘅性格,如果有機會嫁比有錢人,但要受好多委屈(被當豬乸大量繁殖後代,追唔到仔受哂老爺奶奶面色,或是受完對方家人資助而處處被挑剔,又或忍受男人的花天酒地),我一定唔會要對方恩惠,兼且極速反枱。因為:"我唔係受你錢,我駛睇你面色?"
所以小女子呢世人,整定係勞碌命,無福氣食人哋,只可以食自己。

二、由於老媽女人撐起半邊天,母兼父職壓力極大,所以罵人都特別兇狠,有時措辭會令人無咩自尊。呢樣都影響到我由細到大,有不滿都唔會同人正面交鋒,否則就被罵得沒完沒了。有不滿都係放喺心,同其他人呻而唔係當事人開火表達不滿。結果初出茅廬時比班阿姐覺得好好恰,是是非非恰到我黯然離開,當時仍覺所有問題在自己身上(因為自小聽太多令自己無自信的責罵),一句都無喺老闆面前講佢哋(佢哋就講我唔少),離咗職至識嬲同諗返佢哋幾咁荒謬。呢啲被人恰到上心口,但遲半世至識反應嘅因子,都係因為原生家庭的影響。

講咗咁多,展望未來,我嘅人生畢竟唔係老媽嘅人生,希望遇事時我會懂得調節呢啲影響,唔好因為原生家庭再為將來帶來負面影響了。不過感歎嘅係,原生家庭影響真係好大,早幾晚仲夢到幾歲時老媽返夜班侍應,一個人被獨留在家的場面,那種不安感。

14 則留言:

  1. 是的,家庭對我們的影響是很大的,但希望上一代的事情不要影響我們一生,慢慢學懂放手,不用一世背負他們的重擔,對自己亦可以更輕省。

    回覆刪除
    回覆
    1. 是的,擺脫那些負面影響,是需要一生都為此而努力的。

      刪除
    2. 傷痛不代傳!
      長大了,獨立個體,有思想,有選擇!
      請選擇重新正視過去的一切!

      為你禱告,信恩典太美麗!

      刪除
  2. 雖然Grace妳曾經有艱難的過去,但相信在妳的努力下,一切都會否極泰來的。加油好運呢=)

    回覆刪除
    回覆
    1. 多謝妳,一定會的 ^^
      現在我都過得不錯呢。

      刪除
  3. Grace,你blog 冇email,聯繫不上。

    回覆刪除
  4. 塘人自己細過都係通街跑, 或許如此就搞到自己食自己吧, 算是另有得著
    所以努力吧!

    回覆刪除
    回覆
    1. 是啊,每個人都有他的過去,成就了今日的自己。希望每個過去,都為那個人帶來正面的影響吧!

      刪除
  5. 我受過的體罰, 現在看到新聞的恐怖份子片段, 覺得還差不多, 原因竟然是面子, 暴力既傾向亦延續給某後代, Grace, 未來, 為自己好好活, 活自己的生活!

    回覆刪除
    回覆
    1. 好的,都希望你可以擺脫陰霾,唔好成日記得唔開心嘅過去呢。

      刪除
  6. 少時,父母成日常話我吾生性,但我想他們這麽窮還生七個仔女,不知是誰真的吾生性?讀書成績吾好,又不是殺人放火,得幾歲人仔,須不須要打到我豬頭感? 後來我達成財務自由,無人再可面口給我看.後生女,比妳處境更差的通街都是,年青人有的是時間,大把機會,明天會更好,加油!

    回覆刪除
  7. grace的內容很真實, 絕對值得一看. 希望你可能樂觀努力, 似終你的人生跟你媽的人生不一樣呢.

    回覆刪除