2016年9月27日 星期二

一堆碎碎唸

韓國之旅完結了。雖然無咩玩,但消費好平,飲飲食食不遺餘力買埋手信都唔使3000蚊,應該無好多地方可以了。

都係講返股票。股票超新手如我由見證組合蝕4至5位數,到升至30000多元,再跌返到而家賬面賺24xxx,好似搭咗過山車一樣。加幅上到3萬幾時有考慮賣過股票,但賣咗唔知買咩好,反正啲股票高息,就無郁過了。

而家有少少股息做待熊基金(約7000),又乘機看看高息股,不過而家咩都升哂,又未係時候入貨。諗緊特朗普上場時才買,但到時我賬面都蝕。要不要現在清哂倉再入呢?想不透。

高息股監察目標:900,531,319,2028

6 則留言:

  1. Grace, 妳謹看報價網站上提供的息率來揀股好容易出事, 不妨看看業績報告或年報, 了解派息當中的錢從何來, 尤其是後三者。

    回覆刪除
    回覆
    1. 你已經提醒了我後三者有問題,多謝你。
      雖然仲係覺得報表啲數字好複雜^^

      刪除
    2. 因為可持續性真係好緊要, 如果唔係, 買股票就變左等運到。 :P

      刪除
    3. 係,如果有人做到低買高賣更好呢。

      刪除
  2. 勁呀,是同一組合由蝕4,5位後來變賺,還是換左組合後變賺?
    531有如幻影變幻球唔好掂佢最好
    題外話:Miss你返學校實迷到萬千少男,諗起我以前都好仲意我中文miss,仲特登爭做科長,面對佢我就變到成隻綿羊咁,不過後來我地都無再聯絡。

    回覆刪除
    回覆
    1. 其實係優化咗組合,喺恆指19000點時入,所以低位入好重要。
      531係有啲飄忽,只有高息,唔太穩陣。
      另外多謝你嘅讚賞,我個樣好普通,可能模糊產生美感,哈哈。覺得後生男老師親切我都試過,係人人都有嘅經歷,哈哈。

      刪除