2016年9月28日 星期三

做慣乞兒懶做官?

常掙扎轉工不轉工,其實充其量都只係轉返去學校教書,轉唔轉工都係對住細路,所以撇除教育理想後,有以下幾個考慮。

轉工:
好處:1.為啖氣,或他人目光。
            2.睇落人工高啲,有錢趁後生搵。
弊端:1.一年唔知一年事,下年未必有得做。
            2.工作量繁多,身體會差。熬多兩熬,個樣老五年十年不是夢,女人最唔襟老,而做呢行勞心勞力,不論男女都老得比較快。
   3.太勞累,無論課堂或批改家課的質素都自然有所下降。
   4. 科目限制,女人一定多,是非亦多。活在女人的陰影下,好易有莫須有罪名,每天背人垂淚。


不轉工:
好處:1. 精神足,病少些,亦無老得咁快。
   2. 課堂或批改家課的質素均會較佳。
            3.如果公司唔執,都應該唔會炒我,工作穩定,方便計劃將來。
   4. 上司係男人,同事間亦各有各做,無咩利益衝突同是是非非。
弊端:1.魚唔過塘唔肥,我無諗住靠人,人工唔高,未來發展亦有限。
   2. 好似一世都過唔到當年被人陷害的心結,不能吐氣揚眉。不過人是否一定要活在別人的眼光之下,而你的好與不好,在別人心中是否如此重要呢?


從未現過真身,影張上班前的化妝照放在這裡,希望諸君唔使預備嘔吐袋。有充裕的時間打扮同做喜歡的事(如運動或學習),都係而家份工嘅好處黎嘅。


12 則留言:

  1. 在教育界,上司係男士的話,往往已比女上司輕鬆一哋~

    得閒多哋化妝扮靚是應該的,Grace加油呢;)

    回覆刪除
    回覆
    1. 係呀,行行都係,跟男上司普遍係無咁煩嘅。
      我估妳同我係同行,哈哈。一齊努力!

      刪除
  2. 格仔有D打左好似無打, 呵呵XD

    回覆刪除
  3. 其實唔需要太介意從前發生既事. 女上司的確特別煩的. 如果人工差別不算太大, 現在的工作好處是有時間, 自由, 這一些多餘時間都可以很重要, 可用去為自然增值.

    回覆刪除
    回覆
    1. 題外話, 估唔到grace原來咁後生. :)

      刪除
    2. 哈哈,其實兩份工頂薪差好遠。
      做學校如果唔升職,頂薪成6萬,所以大把人做,前提係要一直有學校請。但近十年內畢業的,有起碼一半人做咗幾年都無長約,唔同70後或之前入到職就穩定同薪高糧準,唔跟pt甚至半職但工作量起碼8成的老師比比皆是。
      我呢邊穩定,但如果唔自己開教室,過多幾年頂薪少學校一半,頂薪之後每年只加幾百,但好處係輕鬆,無人事壓力。
      多謝你,其實我唔後生了,哈哈。係咪平時我講嘢你覺得好老積?其實我都算係個幾有計劃同現實嘅人,所以講嘢嘅用詞係咁,好直接同老成。

      刪除
  4. 如果每朝起身已有極討厭番工的感覺, 已有轉工的誘因了. 唔知你已家呢份有冇.

    回覆刪除
    回覆
    1. 無呀,都幾開心
      除咗賺得唔多之外

      刪除
    2. 咁唔係太差, 再考慮下先啦~~

      刪除