2016年10月4日 星期二

有感而發

坐緊地鐵,寫下呢幾日發生咩事。呢個平台都幾好,無咩人識我真身,咁講多啲比較私人嘅事都唔怕被廣泛非議吧。

今日想寫嘅,係80後謝絕收兵的各種方式。

時代不同了,90後青春洋溢,女子普遍覺得收兵係光榮,同有著數攞,而且留定後路。雖然80後老了,而家未必有好多兵,但青春時期的80後,都係唔流行收兵嘅,因為唔好意思要不勞而獲嘅嘢,亦唔想為自己帶來煩惱,留多條尾喺後面,點都要花時間精神兼顧的。不過蠢架,無為自己留定什麼後路,但各不相欠,無咩被戲稱嘅"勞資糾紛",問心無愧嘅。

而婉轉面對嘅方法,不外乎幾種:

1.感受到對方藉辭成日搵自己,係個好明顯對自己有意思嘅表象。一般係噓寒問暖,同交代自己做緊咩,如果同樣有意就會儘快回覆,無嘅話就半日先回覆,保持禮貌。同樣如果對一個男子有意,但佢無咩反應,就唔使有咩幻想了,最遲鈍嘅男子,都會對心儀女子有行動嘅。

2.經常搵機會表現自己嘅學識、學歷、身家等。一般對咁刻意嘅反應,我都會敬而遠之。真正嘅本事同關心,要喺生活中慢慢感受嘅。

2.可能傾兩傾就話私下約食飯。如果無意思嘅,會儘量可免則免,話唔得閒。我又唔貪佢一餐飯,又唔想浪費大家時間,寧願宅在家食麵包好過了。

寫咁多,就係因為又遇到呢啲情況了,覺得有少少煩(不是哂命,但咁老都仲有人吼都算萬幸嘅),大家原諒我嘅有感而發啦。寫完無責任,只係宣洩下。

沒有留言:

張貼留言