2016年11月1日 星期二

請別見怪

可能大家都覺得我賣哂啲股票好可惜。當初我係諗如果大選結果係希拉莉跑出,應該都係平穩,但如果特朗普贏可能個市都會驚一陣。既然喺輸同不變嘅選擇中,我就選擇規避風險,等下次危機再入,手揸嘅單位都會多啲。

而家賺咗少少都夠還利息,最壞打算係當平手。錢有一半係借返嚟嘅,我承擔唔到蝕嘅風險,始終唔係閒錢。就好似小女孩的最後一根火柴,要好小心謹慎地做抉擇。錢多才有權選擇不志在,我無錢無後援,不可以。

自小草根無家底,亦無高薪厚職,又唔係特別叻,代價就係做事前要衡量最壞後果,唔做承擔唔到嘅決定,因為所有後果都要自己承受。

過埋個大選,我會再物色收息工具的。小小女子見識淺薄,請大家對這個懦弱的決定不要見怪。


20 則留言:

  1. 其實我講得誇張左,而且你又要供樓,我自己無供樓,但想象到壓力應不少,現在走保守路線不失為一個好方法,真係唔好彩亂起上嚟都有個錢旁身,最起碼唔會一鋪清袋,加油!

    回覆刪除
    回覆
    1. 多謝。
      女人仔同男人玩法唔同,男人係會進取啲嘅,正常。
      有風險至有回報。

      刪除
    2. 男仔好聽d 叫做駕御風險,唔好聽咪叫 x 衝囉。嘿嘿嘿嘿

      刪除
    3. 係呀,所以從來男人買股,女人買樓多了。

      刪除
  2. //自小草根無家底,亦無高薪厚職,又唔係特別叻//
    我都係,但我還是能提早退休!唔貪心,唔自卑,一步步嚟,你我都做得到!加油!

    回覆刪除
  3. 我覺得盡量唔借錢投資(買樓及借低息稅貸除㚈),可減少自己的心理壓力!人會較為興鬆!

    回覆刪除
    回覆
    1. 多謝妳。
      係啊,唔借會好啲,不過今次洗濕咗個頭,就小心行落去啦。

      刪除
  4. 開個spread再long遠少少嘅put對沖吓都可以吖。

    回覆刪除
    回覆
    1. 還咗個P loan,開個IB戶口孖展可能平啲。

      刪除
    2. 樓上三位講得啱,一係唔好借,到借就就唔好貴

      刪除
    3. 多口一句...買收息股都要有返個scale...買太少仲要on margin,手續費加利息可能已經要你蝕入肉...

      刪除
    4. 係啊,明白大家嘅苦口婆心。
      我聽日會去IB睇下。

      刪除
  5. 自己的事,不須同人交代。
    建議你用一間最平的broker,因買賣頻繁,洗費不平。

    回覆刪除
    回覆
    1. 我已有一通戶口了,不知道有沒有更便宜的?

      刪除
    2. 一通應是平通街了! 加油.

      刪除
  6. 路過多口一句,如果想保守應該減少出入,每買或賣一次就會增加風險。

    回覆刪除
  7. 買賣股票及射倉,的確一通最平。
    借貸應該是IB,你個倉位開到戶。
    期權就未必是一通,兼聽一點,睇多幾個blogger 留言吧。

    回覆刪除
    回覆
    1. 多謝你。
      開個blog都係想學多啲嘢,多謝大家塞錢入我袋。
      其實係因為除了買賣,我唔識太複雜嘅操作,睇嚟要再惡補下。呢方面知識唔多,我無做到市場嘅點心已經好好了,哈哈。

      刪除