2016年11月16日 星期三

不再買大細

各位在上篇文章的留言我已經看到了,多謝大家鼓勵。畢竟每個人的性格與能力不同,不應老是羨慕別人,只能做好自己。

先戴頭盔,大家唔好鬧我:其實尋日在198元入了700搏業績,但因為輸過一次,就設定好股價低過買入價就自動放盤,結果臨收市前真係如此。

本來諗係咪被震倉,不過無點蝕錢就算啦。點知今日700一直向下走,可能命運令我逃過一劫。領教過小股民原來9點半前入唔到市放股票,但股價一直向下的慘痛經驗,覺得自己執返一身彩,亦覺得開市價被競價操控好唔公平。

另外再學到(不過以後唔用,會心臟病發),炒消息係要早好幾日甚至一個月部署,睇定啲之前一日入反而係水尾。

為免影響正常生活,都係買返唔升唔跌可靠嘅收息股算了,現正計劃買哪些和組合分配。

9 則留言:

  1. 加油!我也覺得自己半桶水(可能半桶也沒有),亂操作,做點心的情況總比平穩的方法危險呢。每日看著也很影響平常的生活,總要一點平衡。共勵之!

    回覆刪除
    回覆
    1. 一齊努力,希望平穩資本增值

      刪除
  2. 我可能又多事啦 因為我係過來人
    只要你下決心唔再以股價上落波幅作為買入嘅出發點
    香港嘅股票市場 難動你分毫 真正做買賣 兇險 艱辛 孤獨 絕對稱得上係厭惡性行業 你準備好未? 想要扭轉局面就要由心出發

    回覆刪除
    回覆
    1. 多謝你,你點會係多事呢?
      我打算買平平穩穩的大藍籌,累積回報算了
      因為日日望住個金魚缸,真係無咩人生意義

      刪除
  3. 小弟是過來人, 早輸好過遲輸, 共勉之。

    回覆刪除
    回覆
    1. 係,呢幾萬蚊令我以後決定穩定賺少少算了,唔貪
      風險同回報永遠成正比

      刪除
  4. 回覆
    1. 本來想搏反彈,但呢幾日佢完全彈唔起

      刪除
    2. 所以我怕承受呢風浪,只長渣匯豐收息算,起碼大藍籌有保証D

      刪除