2017年1月8日 星期日

逢7之年

有說7或8之年總有大事發生,或許在年尾,我都唔敢諗。有人話大鱷可能喺mpf度下手,又或喺樓按度下手,逼啲借9成嘅人負資產,嘔返層樓出嚟填債。如果係咁我無咩相應策略,最多死喺間屋度。可以做的事,都只有想想如果股市有大事發生,可以點處理。

跌咗好幾日,個市又上返哂,本來諗住睇佢跌定入平貨,暫時應該唔得。所以最近花盡腦汁,想搵一啲睇落去跌無可跌嘅股票收住息先,大跌市再套錢出來。不過有啲股票雖然係睇落去無得跌,但可能創新低,如1830為咗唔比人食息出盈警震倉,非常陰濕,而家又升返,正一老千。

本來諗過入返991,但好彩有做功課,佢最近決定打破10年穩定派息的傳統,兩年都不派息。好彩無入。

呢個咁嘅市,真係買貨又唔係,唔買又唔係,可能一半現金一半貨較穩陣。

6 則留言:

  1. 大陸電價好似係政府話事?好冇保障
    本地電力股不好嗎?電能中電

    回覆刪除
    回覆
    1. 不過平已經反映其不足了
      呢行唔會摺埋,趁平買來收息放長線
      本地好,但較貴

      刪除
  2. 因991近1-2年需要清理一舊數年前買進的煤礦資產, 所以沒多餘錢派息了. 題外話, 火電股而言, 991應該是經營質素最差的一個

    回覆刪除
  3. Grace妹,新一年祝你心想事成,小弟對你的說話還是那幾句,儘快還借貸、不再從眾、特別是那些自稱為價值投資者、至少放一定比例在盈富基金、打消高息股的念頭(94年美國加了7次息,中電當年跌了近4成),這些說話不是看輕你,事實上我也經常對自己說的。

    回覆刪除
    回覆
    1. 多謝你的提議。不用擔心,長遠我都想有自己的資產組合,已經學識平買唔高追,同埋開始知道自己嘅投資風格。我會量力而為的。

      刪除