2017年1月19日 星期四

投資二三事


話說小女子投資的本金中,有4份1是一個很疼惜我的親友的錢。她說當借給我買股票收息,利息歸我。但後來發現她心掛掛,偶然又會建議我應該把錢如何用。就覺得即使她不是送本金給我,受人恩惠還是不由自主的。平生我最怕聽人說話,倔得很,思前想後又怕蝕她的本金,就開了一張支票,原銀奉還給她。借銀行錢的責任我一力承擔,乾淨俐落,無說話聽。但與親人有錢銀瓜葛,說話真係會聽一世,還是免了。幸好我原生家庭沒財力給我首期,我全部自己儲,俾完家用以後,佢哋無法對我的任何決定俾說話我聽,呢個係自力更生嘅好處。


前日恆指突然一個屈尾十上咗23000點,而我手上的貨全部都同恆指無關。見完全分享唔到升浪,就衝動地做咗個唔知係咪錯嘅決定:入咗兩手87。呢隻嘢恆指升佢會升,跌又跟住跌。點知一個唔該今日恆指插返落嚟,佢又係組合裡第一個死先。不過算啦,我一句:"恆指升幅,我又要有份!"有份就總有代價。不過如果蟹咗,87都有息食,又唔係押哂全副身家,咁就算了。

2 則留言:

  1. 1. 做好資產配置, 比如巴菲特話的90%SPY+10% 短債; 或者是施永青的4成物業 3成股票 2成債券 1成現金
    2. 不要太著眼香港 恆指成份只有五十隻成份股的香港股市市值只佔全世界不足百分之一 宜放眼海外

    回覆刪除
    回覆
    1. 謝提醒
      有機會我會研究一下美股的

      刪除