2018年8月8日 星期三

海外婚禮

定咗下年5月結婚,地點喺峇里。趁今日放假,下晝聽咗兩個鐘嘅簡介。
坦白講,我對所有流程無咩期待又無咩idea,去到就俾個職員發現咗呢樣嘢。佢話:「我結婚果時咩都要自己搞,但好得意,今次結婚見到幾乎所有嘢都係個男仔搞,妳真係幸福啊。」
我認我除咗打扮之外,性格都幾男仔頭,又無乜要求,所以就搞成咁啦,哈。
其實一路聽,一路就心諗:果日應該攰死喇,唔知幾點可以抖下呢?
最近心思都係放喺工作同股票度。Peak season就嚟完,好想快啲九月,就唔駛由朝上堂上到晚。諗諗下自己又唔係好想返學校熬喇,始終唔算年輕,但諗起學校份人工,做耐啲又似乎有前景好多。但當然,疲憊同複雜嘅人事已經包咗喺份人工度。
另外尋日恒大大奇蹟日,本來都諗會唔會帶挈埋其他內房,同唔知會唔會持久。不過今日一過,知道係虛火,其他內房股價又打回原形,失望。
希望快啲重拾升勢喇,如果唔係連麵都無錢買了。

2 則留言:

  1. 恭喜晒! 我當年都去峇理影結pre wedding. 可以留多幾日順便玩下。

    回覆刪除
    回覆
    1. 謝謝,會啊
      大約留一個星期
      峇里啲景都靚,有諗過影輯相,哈。

      刪除